Youth Awareness











{November 22, 2011}   Hain Qawakib kuch – Nazar aate hain kuch. . .

Open Letter to All Pakistanis

Dear Friends,

unexpectedly, i received an email from someone i know for few months only, and that too on internet (Facebook) only, in email he said sir this is my request to you please post my email (As it is) on your blog, because this is not only my first writeup to any medium (Paper & electronic media) but also very important one too. So friends, i am copy/pasting his email without editing, if anyone feel offensive in it or hurted by the details given, please forgive me.

Mohtaram Pakistanio

Asslam-o-alaikum

Hamare haan ki siyasat kuch is tarhan se hamare andar rach bas gayee hai k na chahte hue bhi hamari zindagion ka aik bara hissa siyasat ki

Imran Khan & his politics

nazar hogaya hai, har mor par hamen is baat ka andaza hota hai k ham jis mahol mein reh rahe hain wahan shareef, izzatdar aur sachai k lie jan de dene wale logon k lie jeena mohal hochuka hai. . .

November 22, 2011, khana khane k bad kuch waqt mila to socha k kuch halat-e-hazra k bare mein jan lia jae, isi ni’at se geo ki website kholi to jo pehli khabar parhne ko mili wo Imran Khan saheb k bare mein thi, jis mein likha tha Imran Khan saheb ki siyasi jamat k Lahore mein waqay daftar ko ba’waja adam adaigi tax, seal kardia gaya hai. Sun kar boht afsos hua kio k Imran Khan saheb ka naam aate hi world cup 1992 ki yadain taza hojati hain, meri nazar mein Imran Khan ki shaksiyat aik boht hi izzat ki hamil shakhsiyat ki hamil hai. khas tor par Imran Khan saheb ne Pakistan ki riwaiti siyasat k khilaf jo ailan-e-jang kia aur tamam quaideen ko apne asane zahir karne ko kaha.

Mere zehn mein jo pehla khayal jo aya wo yahi tha k shayad Pakistan Muslim League (N) ne hameshan ki tarhan PTI k wajood se inkar karte hue siyasi rassa kashi ki shurwat kardi hai aur ye waqya ussi silsilay ki aik karri hai, lekin haqeeqat maloom hone par afsos hua k jo shakhsh dusron ko talqeen karta hai k apne asasay zahir karo, tax do, chori na karo, wo khud apni party office k lie tax ada nahin karta ?

Ye sab waqiyat apne samne dekh kar Pakistan ki 18 crore awam ki tarhan shayad mein khamosh beth jata aur bas siyasi dangal ki numaish dekhta rehta lekin jis cheez ne mujhe qalam uthane par majboor kia uska is pure waqiyay se gehra talluq hai . . .

Abhi kuch dair pehle jab mein apne facebook account ko dekh raha tha to Kamran Khan saheb k page ko visit karte waqt meri nazron se aik aisi cheez guzri jisse dekh kar pehle to mujhe khushi hui lekin jab mere zehn se PTI office wala qissa guzra to mein hairan reh gaya . . .meine dekha k Pakistan Tehreek-e-Insaaf k kisi ohdedar ne “Facebook Advert” lagaya hua tha membership k lie…yehan mein aap ko batata chaloon k “Facebook Advert” ki sahoolat hasil karne k lie hamen google walon ko 35$ rozana ki bunyad par ada karne hote hain aur kam se kam muddat aik mahinay ki hoti hai jis ka total kharcha $1050 aur Rs. 92137.5/- hota hai yani k aik “Facebook Advert” chalane k lie Pakistan Tehreek-e-Insaf aur un k leaders Rs. 3071.25/- per day facebook walon ko de rahe hain sirf logon ko PTI ki taraf raghib karne k lie jo k aik yahoodi lobby hai jab k aise kai adverts PTI k handard aur leaders facebook par chala rahe hain jin par lakhon rupay rozana kharch kie jarahe hain. Dusri taraf almia ye hai k Hukumat-e-Pakistan ko property tax nahin dia ja raha ….aik aisa tax jis se Pakistan k awam k lie falah-o-behboob k kaam kie jane hain . . .

Ye sab haqaiq yaqeenan hamare lie lamha-e-fikria hain aur hamen sochne par majboor karte hain k hamare qol-o-fail mein itna tazad kio hai ? akhir kio ham apni hi bholi bhali awam ko bewaqoof bana kar apne mazmoom azaim ko pura karte hain, wo kon hai jis k isharon par ye sari karwai’yan hoti hain ….wo kon hai jo itna paisa faraham karta hai in logon ko . . .aur agar itna paisa hai to kio ham apni awam ko uska faida nahin dete ? kio bhooka marne dete hain ? kio apni pak sarzameen par mojood pahar jaisa qarz nahin utarte ?

Yaqeenan ye wo chubhte hue sawalat hain jin ka jawab dena koi siyasatdan pasand nahin karega …aur ham awam itne behis hochuke hain k har bar inhi logon ko vote dekar aiwano mein bhej dete hain . . .meri za’tti rae mein Imran Khan saheb baaqi siyasat dano se alag the …lekin ye sab apni aankhon se dekhne k bad meine apni aankhen kholne ka faisal karlia hai aur ye tahayya kia hai k ab ki bar ussi ko vote dekar aiwan mein bhejoonga jis ne haqeeqi mani mein mere sheher aur mere mulk mein rehne wale mazloom Pakistanion k lie kuch kia hoga . . .

Akhir mein,mein sirf apne ham waton se sirf itni guzarish karna chahoonga k khudara apne mulk Pakistan par rehem karen …aise logon ko hargiz vote na den jin k zahir aur batin mein numaya farq hai jo samne kuch kehte hain andaar karte kuch aur hain ….

“Apna ka hamwatan Pakistani ”

————————————-

Friends, below are the snapshots that i received as attachments.

1) One of the advert of Pakistan Tehreek-e-Insaf appearing on “Facebook Advert”

2) Facebook Advert Fee as required by Facebook



Ali says:

Shame on you Imran !



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

et cetera
%d bloggers like this: